Расія не хоча выводзіць войскі з Украіны
Віцэ-міністр замежных справаў Расіі Грыгорый Карасін заявіў, што ягоная краіна не мае намеру выводзіць сваю ваенна-марскую базу з украінскага Севастопаля. Прытым чыноўнік прызнаў, што вырашальны голас у справе належыць Украіне. Паводле дамовы, расійскі флот можа заставацца на тэрыторыі Украіны да 2017 г. Летась Пуцін заявіў, што расіяне хочуць дамовіцца, каб база засталася і пасля гэтага тэрміну. Украінскі бок пагаджаецца трываць расійскія войскі на сваёй тэрыторыі да 2017 г. Адначасна Кіеў заклікае Маскву ўжо цяпер распачаць падрыхтоўку да вываду базы.
