Раманоўская таксама падала дакументы на рэгістрацыю кандыдатам у прэзідэнты
![Раманоўская таксама падала дакументы на рэгістрацыю кандыдатам у прэзідэнты](/sites/default/files/styles/gallery_main/public/2023-08/ramanouskaja-0709.jpg.webp?itok=z5g5zLwZ)
У Цэнтрвыбаркам паступілі на дакументы ад шасці прэтэндэнтаў, якія хочуць стаць кандыдатамі ў прэзідэнты Беларусі. Як паведамляе БЕЛТА, шостай стала беспрацоўная настаўніца Жанна Раманоўская.
Раней дакументы для рэгістрацыі падалі Таццяна Караткевіч, Сяргей Гайдукевіч, Мікалай Улаховіч, Аляксандр Лукашэнка і Віктар Цярэшчанка.
Па звестках ЦВК, дастатковую колькасць сапраўдных галасоў за сваё вылучэнне сабралі толькі чатыры вылучэнцы. У Віктара Цярэшчанкі тэрытарыяльныя камісіі прызналі сапраўднымі толькі каля сямі тысяч подпісаў. Жанна Раманоўская здала ў выбаркамы ўсяго 780 подпісаў. Тым не менш дакументы на рэгістрацыю кандыдатам у прэзідэнты яна падала.
Рэгістрацыя кандыдатаў адбудзецца 10 верасня. А з наступнага дня пачнецца перыяд перадвыбарчай агітацыі і прапаганды. Кандыдаты атрымаюць магчымасць апублікаваць свае праграмы ў друкаваных СМІ і бясплатна выступіць на тэлеканале "Беларусь 1" з 14 па 25 верасня (з 19.00 да 20.00).
Акрамя таго, кандыдаты атрымаюць час для выступаў на радыё — у працоўныя дні з 21 верасня па 2 кастрычніка (з 6.10 да 7.10). Тэледэбаты пройдуць 3 кастрычніка, парадак іх правядзення вызначае Белтэлерадыёкампанія.
Фота: БелаПАН