Радыё "Свабода": Лунінецкі вайсковы аэрадром расчышчаюць і разбудоўваюць
![Радыё "Свабода": Лунінецкі вайсковы аэрадром расчышчаюць і разбудоўваюць](/sites/default/files/styles/gallery_main/public/2023-08/luniniec-1808.jpg.webp?itok=I8JWfMjs)
На вайсковым аэрадроме пад Лунінцам фіксуюць незвычайную актыўнасць. Гэта дазваляюць пабачыць спадарожнікавыя здымкі, перадае Радыё "Свабода".
На вайсковым аб’екце валяць лес, расчышчаюць расліннасць, рэканструююць адразу некалькі будынкаў і ўзводзяць новыя, пракладаюць камунікацыі.
Перад расійскім уварваньнем ва Украіну вайсковы аэрадром "Лунінец" лічыўся запасным і выкарыстоўваўся рэдка.
Змены на ім пачаліся перад вучэннямі "Саюзная рашучасць — 2022". Напад Расіі на Украіну адбыўся якраз пасля гэтых вучэнняў. Агрэсія адбывалася ў тым ліку з тэрыторыі Беларусі.
Па здымках журналісты заўважылі, што цяпер вайсковай тэхнікі на аэрадроме няшмат: толькі некалькі комплексаў С-300 ці С-400. Самалётаў няма, стаяць толькі два верталёты.
У вайсковым гарадку абнавілі амаль усе жылыя ці адміністрацыйныя пабудовы. На расчышчаным ад лесу кавалку зямлі пачалі ўзводзіць нешта накшталт ангару ці казармы — амаль удвая большы за тыя, што ёсьць. Высеклі кавалак лесу каля ўязной паркоўкі.
Таксама "Свабода" са спасылкай на свае крыніцы паведамляе, быццам ў Лунінецкаму райвыканкаму загадалі пабудаваць у горадзе жыллё для сем’яў расійскіх вайскоўцаў, якія будуць пражываць там стала.
![Радыё "Свабода": Лунінецкі вайсковы аэрадром расчышчаюць і разбудоўваюць](/sites/default/files/styles/default_image_paragraph_watermark/public/paragraphs/image/luniniec-1808-2.jpg.webp?itok=UpDJQ_NP)
![Радыё "Свабода": Лунінецкі вайсковы аэрадром расчышчаюць і разбудоўваюць](/sites/default/files/styles/default_image_paragraph_watermark/public/paragraphs/image/luniniec-1808-3.jpg.webp?itok=J-CafHqf)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.