Пяскоў: далучаныя тэрыторыі Украіны трапяць пад дамову аб Саюзнай дзяржаве
Аляксандр Лукашэнка і Уладзімір Пуцін / president.gov.by
На так званыя "ДНР" і "ЛНР", а таксама Херсонскую і Запарожскую вобласці пасля далучэння будзе распаўсюджвацца дамова аб Саюзнай дзяржаве Беларусі і Расіі. Пра гэта расійскім журналістам заявіў прэс-сакратар Пуціна Дзмітрый Пяскоў.
Па яго словах, далучаныя вобласці "стануць суверэннай тэрыторыяй РФ".
Таксама Пяскоў паведаміў, што на нядаўніх перамовах у Сочы Лукашэнка і Пуцін абмяркоўвалі так званыя "рэферэндумы" на акупаваных украінскіх тэрыторыях.
Чакаецца, што сёння Пуцін афіцыйна абвесціць пра далучэнне акупаваных тэрытоый да Расіі.
