Прызы ад Пазьняка і Радыё Свабоды
Трэцяга чэрвеня ў Курапатах адбудзецца жалобная імпрэза, прымеркаваная да 20-й гадавіны выхаду ў газеце “Літаратура і мастацтва” артыкула Зянона Пазняка і Яўгена Шмыгалёва “Курапаты — дарога смерці”. Менавіта тады беларусы і ўвесь свет даведаўся пра масавыя растрэлы камуністамі ва ўрочышчы Курапаты пад Мінскам. Да дваццатай гадавіны гэтай падзеі Радыё Свабода зладзіла конкурс “Маё фота — мае Курапаты”. Пра гэта Еўрарадыё распавяла куратарка конкурсу Ганна Соўсь:
“Мы запрасілі грамадскім куратарам гэтага праекту “адкрывальніка” Курапатаў Зянона Пазьняка. Усяго на конкурс было даслана каля 250 здымкаў. Падчас гэтай жалобнай імпрэзы будуць уручаныя прызы пераможцам конкурсу ад Радыё Свабода і Зянона Пазьняка. Перамаглі 10 чалавек, якія атрымаюць кнігі Зянона Станіслававіча з ягоным подпісам, прыймачы і фотаапараты ад Радыё Свабода”.
Ганна Соўсь таксама паведаміла, што імпрэзу наведае тагачасны рэдактар “ЛіМа” Анатоль Вярцінскі і дачка расстралянага камуністамі беларускага паэта Тодара Кляшторнага Марыя.
“Мы запрасілі грамадскім куратарам гэтага праекту “адкрывальніка” Курапатаў Зянона Пазьняка. Усяго на конкурс было даслана каля 250 здымкаў. Падчас гэтай жалобнай імпрэзы будуць уручаныя прызы пераможцам конкурсу ад Радыё Свабода і Зянона Пазьняка. Перамаглі 10 чалавек, якія атрымаюць кнігі Зянона Станіслававіча з ягоным подпісам, прыймачы і фотаапараты ад Радыё Свабода”.
Ганна Соўсь таксама паведаміла, што імпрэзу наведае тагачасны рэдактар “ЛіМа” Анатоль Вярцінскі і дачка расстралянага камуністамі беларускага паэта Тодара Кляшторнага Марыя.
