Прысуд гомельскім праваабаронцам пакінулі без зменаў

Гомельскі абласны суд адмовіў у задавальненні апеляцыйнай скаргі на прысуд мясцовым праваабаронцам. Суддзя палічыў, што прэтэнзіі абвінавачаных, выкладзеныя ў скарзе, задавальненню не падлягаюць, і прысуд вынесены справядліва.

Такім чынам прысуды Леаніду Судаленку і яго памочніцы Таццяне Ласіцы застаюцца ў сіле, паведамляюць праваабаронцы.

У пачатку лістапада суд Цэнтральнага раёна Гомеля прысудзіў Судаленку да 3 гадоў калоніі агульнага рэжыму, а яго калегу Таццяну Ласіцу — да 2,5 гадоў. Іх затрымалі год таму, у студзені 2021 года, і абвінавацілі ў арганізацыі і падрыхтоўцы дзеянняў, якія груба парушаюць грамадскі парадак (арт. 342 КК РБ).

Судаленку прапаноўвалі пісаць прашэнне аб памілаванні, але ён адмовіўся.