Прыпыняе выхад газета "Белорусы и рынок"
"Белорусы и рынок" / belmarket.by
Газета "Белорусы и рынок" прыпыняе выхад, даведалася Еўрарадыё ў рэдакцыі.
Выдання няма ў каталогу "Белпошты" на першую палову 2023 года. У гэты час газета не будзе выходзіць ні ў друкаваным выглядзе, ні ў электроннай пдф-версіі.
Недзяржаўная газета "Белорусы и рынок" была заснаваная ў снежні 1990 года. Апошнія гады выданне існавала ў фармаце штомесячніка. Газета здолела захавацца пасля масавых рэпрэсій супраць недзяржаўных СМІ.
У траўні дырэктар выдання Канстанцін Залатых трапіў за краты. Праваабаронцы прызналі яго палітвязнем.
Беларускія ўлады заблакавалі сайт газеты.
