Вы тут

Пры аварыі пад Івацэвічамі кіроўцу "Форда" выкінула з машыны

ДТЗ пад Івацэвічамі / brest.mvd.gov.by

ДТЗ са смяротным вынікам адбылося зранку 9 кастрычніка каля вёскі Бусяж Івацэвіцкага раёна, паведамляе прэс-служба УУС Брэсцкага аблвыканкама.

49-гадовы жыхар вёскі Мілейкі Івацэвіцкага раёна ехаў на аўтамабілі "Форд Гэлаксі" па дарозе Слонім-Косава. Мужчына не справіўся з кіраваннем і з'ехаў у правы кювет, дзе машына перакулілася. Пры гэтым сам кіроўца ажно вылецеў з салона аўтамабіля і ад траўмаў памёр на месцы здарэння.

Папярэдне паведамляецца, што кіроўца быш цвярозы. Праверку па факце ДТЗ праводзіць Следчы камітэт.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.