Прэзідэнт Малдовы падпісала заяўку на ўступленне краіны ў Еўрасаюз

3 сакавіка прэзідэнт Малдовы Майя Санду падпісала заяўку на ўступленне краіны ў Еўрасаюз. Раней гэта зрабілі Украіна і Грузія.

Як паведамляе zdg.md, падчас падпісання прысутнічалі прэм'ер-міністр Наталля Гаўрыліца і спікер парламента Ігар Гросу.

"Цяпер, у дні вайны ў Украіне, мы застаемся сталымі і прапануем дапамогу нашым суседзям, — кажа Санду. — Мы захоўваем нейтралітэт... Нам спатрэбілася 30 гадоў, каб пасталець...Мы гатовыя ісці ў будучыню".

Заяўка Малдовы будзе пададзена ў Бруселі ў бліжэйшыя дні.