Прэм'ера скандальнага фільма "Авель" ("Мы, браты") перанесеная трэці раз

Прэм'еру скандальна вядомага фільма "Мы, браты" (працоўная назва "Авель") перанеслі трэці раз і прызначылі на 24 верасня. Пра гэта сайту sputnik.by паведаміў прадзюсар фільма Сяргей Ждановіч.

Па яго словах, фільм пройдзе не толькі ў кінатэатрах. Прыкладна на пачатку лістапада больш шырокую версію пакажуць на адным з беларускіх тэлеканалаў — гэта будзе чатырохсерыйная стужка.

Як паведамлялася раней, у англамоўным пракаце фільм плануецца пусціць пад назвай "Код Каіна" ("The Code of Cain"). У нашым пракаце фільм застанецца пад назвай "Мы, браты".

Па словах Ждановіча, паказ фільма на Канскім фестывалі дапамог у міжнародным прасоўванні карціны. Аднак прадзюсар адмаўляецца казаць, з якімі краінамі падпісаныя кантракты на паказ стужкі.

Фота — naviny.by