Прэм'ер Вялікабрытаніі — Ціханоўскай: Мы адназначна на вашым баку
![Прэм'ер Вялікабрытаніі — Ціханоўскай: Мы адназначна на вашым баку](/sites/default/files/styles/gallery_main/public/2023-08/2021-08-03t114604z_1111579400_rc2mxo9wsmcy_rtrmadp_3_belarus-britain.jpg.webp?itok=wPF998R8)
3 жніўня ў Лондане адбылася сустрэча Святланы Ціханоўскай і прэм'ера Вялікабрытаніі Борыса Джонсана. Як паведамляе Reuters, Джонсан заявіў пра падтрымку дэмакратыі і грамадзянскай супольнасці ў нашай краіне.
"Мы адназначна на вашым баку, мы моцна падтрымліваем тое, што вы робіце, — гаварыў прэм'ер Ціханоўскай. — Я вельмі рады вас бачыць".
Прэс-служба Святланы Ціханоўскай паведамляе, што сустрэча працягвалася каля 25 хвілін. Былі абмеркаваны санкцыі супраць уладаў Беларусі, праграма дапамогі грамадзянскай супольнасці нашай краіны. Беларускі палітык расказала брытанскаму прэм'ер-міністру пра рэпрэсіі ў Беларусі, у тым ліку пра сітуацыю з лёгкаатлеткай Крысцінай Ціманоўскай і пра гібель у Кіеве актывіста Віталя Шышова.
Ціханоўская падзякавала за падтрымку. У Лондане яна будзе мець яшчэ шэраг сустрэч, у тым ліку і міністрам замежных справаў Дамінікам Раабам.
It was a great honour to welcome the very courageous @Tsihanouskaya to Downing Street today.
— Boris Johnson (@BorisJohnson) August 3, 2021
The United Kingdom stands with her and the Belarusian people in supporting democracy, human rights and the rule of law in Belarus. pic.twitter.com/hMZyWMqC9O
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.