Прэм'ер Мясніковіч падчас "калійнай вайны" паляціць на тры дні ў Манголію

Як паведамляе БЕЛТА, Міхаіл Мясніковіч правядзе афіцыйныя перамовы з прэм'ер-міністрам Манголіі Норавам Алтанхуягам. Запланаванае падпісанне шэрагу міжнародных дакументаў.

Таксама адбудзецца сустрэча беларускага прэм'ера з прэзідэнтам Манголіі Цахіягійнам Элбэгдаржам. 5 верасня Мясніковіч паўдзельнічае ў адкрыцці Нацыянальнай выставы Беларусі і ў працы Беларуска-мангольскага бізнэс-форума.
 

Нагадаем, Міхаіл Мясніковіч апынуўся ў цэнтры скандала, звязанага з затрыманнем у Мінску кіраўніка "Уралкалія" Уладзіслава Баўмгертнера. Адбылося гэта ў мінскім аэрапорце пасля сустрэчы з беларускім прэм'ерам. Да таго ж, у Беларусь Баўмгертнер прыехаў на запрашэнне Мясніковіча. Паездка ў Манголію будзе першай для Міхаіла Мясніковіча пасля затрымання гендырэктара "Уралкалія".

Фота — bymedia.net