Праз кавід магілёўцам дазволяць ездзіць у тралейбусе па праязным на аўтобус
Магілёўцам з 8 па 28 лютага дазволяць ездзіць у тралейбусе па аўтобусным праязным, а ў аўтобусе — па тралейбусным. Такое рашэнне прыняў гарвыканкам, піша mogilev.online.
Такая мера тлумачыцца ўздымам захворвання на кавід, у тым ліку сярод кіроўцаў грамадскага транспарту. Каб захворванні не адбіліся на зручнасці пасажыраў, у Магілёве вырашылі замяняць адны віды грамадскага транспарту іншымі. Мяняць праязны пры гэтым пасажырам не давядзецца.
