Вы тут

Праваабаронцы прызналі палітвязнямі яшчэ двух чалавек

Колькасць палітвязняў у Беларусі набліжаецца да паўтысячы / @viasna96

Беларускія праваабаронцы прызналі палітвязнямі яшчэ двух чалавек. Гэта Сяргей Моніч і Міхаіл Добыш. Першы быў асуджаны на 3 гады калоніі агульнага рэжыму за нанясенне надпісаў палітычнага зместу, а таксама за захоўванне і перавозку наркатычнага сродку (марыхуаны масай 0,1 г без мэты збыту). Другі быў асуджаны на 3 гады "хіміі" за тое, што нібыта ў прадуктовай краме здзейсніў пагрозу прымянення гвалту ў дачыненні да маёра міліцыі.

Праваабаронцы лічаць, што справы Моніча і Добыша палітычна матываваныя і патрабуюць іх вызвалення.

У Беларусі на 16 чэрвеня налічваецца 495 палітвязняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.