Прапанову Мінска забраць 2 тысячы мігрантаў адхілілі ў Берліне
![Прапанову Мінска забраць 2 тысячы мігрантаў адхілілі ў Берліне](/sites/default/files/styles/gallery_main/public/2023-08/photo_2021-11-22_13-46-02.jpg.webp?itok=R0aal4g1)
Берлін адхіліў прапанову Мінска забраць 2 тысячы мігрантаў, паведамляе Deutsche Welle са спасылкай на прадстаўніка ўрада Германіі.
У панядзелак Аляксандр Лукашэнка прыняў з дакладам старшыню Гродзенскага аблвыканкама Уладзіміра Караніка і памочніка прэзідэнта, інспектара па Гродзенскай вобласці Юрыя Караева. На сустрэчы Лукашэнка заявіў, што чакае, калі ЕС адкажа на пытанне па 2 тысячам бежанцам. Па ягоных словах, канцлер ФРГ Ангела Меркель паабяцала, што на ўзроўні Еўрасаюза разгледзяць гэтую праблему.
Раней прэс-сакратар Лукашэнкі Наталля Эйсмант паведаміла, што на тэрыторыі Беларусі знаходзіцца 7 тысяч мігрантаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.