Пракуратура знайшла "экстрэмісцкую кнігу" ў продажы ў Беларусі

У адной з беларускіх інтэрнэт-кнігарняў пракуратура Маскоўскага раёна Мінска знайшла кнігу Алега Усачова "Хто, як і навошта забіў Вільгельма Кубэ".

Раней гэтую кнігу прызналі "экстрэмісцкай" і ўключылі ў спіс "экстрэмісцкіх матэрыялаў".

На патрабаванне пракурора кнігу канфіскавалі з продажу, паведамляе сталічная пракуратура. У якім менавіта маркетплэйсе выявілі "крамолу" — не ўдакладняецца.

Кніга Усачова пра забойства нацысцкага гаўляйтара выйшла ў выдавецтве "Харвест" у 2013 годзе. У ёй прыводзяцца факты з гісторыі партызанскага руху, дзейнасці нямецкай акупацыйнай адміністрацыі і спецслужбаў.