Праграміста EPAM з жонкай затрымалі пасля фільма DELFI пра беларускія пратэсты
![Затрыманыя беларусы](/sites/default/files/styles/gallery_main/public/2023-09/zatr-2209.jpg.webp?itok=uAu2u5eB)
Затрыманыя беларусы / кадр з відэа сілавікоў
У Беларусі затрымалі праграміста EPAM з жонкай, перадаюць праваабаронцы. Сілавікі сцвярджаюць, што знайшлі іх па кадрах з фільма DELFI пра беларускія пратэсты.
Традыцыйна сілавікі знялі відэа з затрыманымі. Мужчына на відэа кажа пра свой вялікі заробак у EPAM. Разам з жонкай яны гавораць, што ўдзельнічалі ў паслявыбарчых акцыях пратэсту.
Фільм Юрыя Мамінава пра беларускія пратэсты выпусціла літоўскае DELFI. Аўтары стужкі не хавалі твары большасці пратэстоўцаў. Адразу пасля выхаду фільма сілавікі паабяцалі знайсці ўдзельнікаў пратэстаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.