"Кіберпартызаны" зноў узламалі сайт "Гомельскай праўды"
![Так выглядаў сайт "Гомельскай праўды" пасля ўзлому](/sites/default/files/styles/gallery_main/public/2024-09/kibery-0509.png.webp?itok=4SLURETO)
Так выглядаў сайт "Гомельскай праўды" пасля ўзлому / t.me/cpartisans_by
"Кіберпартызаны" адзначылі чатырохгоддзе сваёй дзейнасці тым, што чарговы раз узламалі сайт прапагандысцыкага выдання "Гомельская праўда". Пра гэта аб'яднанне паведаміла ў сваім канале.
На сайце "ГП" яны размясцілі банеры з інфармацыяй пра ўзлом базы зваротаў у КДБ, спасылкі на Партызанскі тэлеграм і малюнак мядзведзіка ў святочным каўпаку, які трымае лічбу 4.
Дарэчы, гэта не першы ўзлом сайта. Папярэдні раз "Кіберпартызаны" ўзламалі яго 25 сакавіка. Тады апублікавалі віншаванне з Днём Волі і заклік далучацца да палка Каліноўскага.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.