Праціўнік Нетаньяху сфарміруе ўрад Ізраіля

Прэзідэнт Ізраіля Іцхак Герцаг даручыць сфарміраваць новы ўрад лідару апазіцыйнай партыі "Яшар!", былому начальніку Генеральнага штаба Арміі абароны Ізраіля (ЦАХАЛ) Гадзі Айзенкоту. Мандат будзе ўручаны яму ў рэзідэнцыі кіраўніка дзяржавы 8 лістапада. Пра гэта паведамляе DW.

Айзенкот павінен будзе сфарміраваць кіруючую кааліцыю на працягу 28 дзён.

Герцаг прыняў такое рашэнне пасля кансультацый з дэпутатамі парламента. Айзенкот атрымаў 67 рэкамендацый, а дзейны прэм'ер-міністр Біньямін Нетаньяху — 46. Калі Айзенкоту не ўдасца сфарміраваць новы ўрад у вызначаны тэрмін, мандат можа перайсці да Нетаньяху.

Выбары ў Ізраілі прайшлі 27 кастрычніка. Ніводзін блок не атрымаў большасці, для якой неабходна 61 месца са 120 у Кнэсеце. Кіруючая ультраправая кааліцыя на чале з партыяй Нетаньяху "Лікуд" страціла большасць, атрымаўшы 53 мандаты, а саюз на чале з "Яшар!" — 48.

Шмат што будзе залежаць ад падтрымкі блока Айзенкота дзвюма арабскімі партыямі, якія атрымалі рэкордныя 19 мандатаў. Да гэтага часу Айзенкот адмаўляўся ад саюзу з імі. Пры гэтым арабскія ізраільцяне складаюць каля 22% насельніцтва краіны.