Пра здачу жылля замежнікам беларусаў абавяжуць паведамляць у міліцыю
![Беларусаў прымусяць паведамляць у міліцыю пра здачу жылля замежнікам](/sites/default/files/styles/gallery_main/public/2023-11/milicyja-2211.jpg.webp?itok=1cKyreWA)
Беларусаў прымусяць паведамляць у міліцыю пра здачу жылля замежнікам / Еўрарадыё
Пра здачу жылля замежнікам, якія часова знаходзяцца ў Беларусі, юрыдычныя і фізічныя асобы павінны будуць паведамляць у органы ўнутраных спраў. Гаворка ідзе пра кватэры, пакоі і аграэкасядзібы, садовыя дамкі, лецішчы, бізнес-апартаменты.
Адпаведныя змены ў закон "Аб прававым становішчы замежнікаў і асоб без грамадзянства" прынялі ў першым чытанні дэпутаты Палаты прадстаўнікоў.
За неінфармаванне пагражае адміністрацыйная адказнасць.
Мэтай новага закона прэс-служба Палаты прадстаўнікоў называе "адаптаваць нормы закона і КаАП да сучасных рэалій, павысіць узровень інфармавання дзяржаўных органаў".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.