Польскія памежнікі: мігранты ўжылі слезацечны газ супраць памежнікаў
Уначы ў раёне мястэчка Чэрэмха беларускія вайскоўцы пачалі разбураць часовую агароджу на польскай мяжы, паведамляе прэс-служба польскіх памежнікаў.
Гаворыцца, што яны выдзіралі слупы агароджы і разрывалі спіральны калючы дрот службовым аўтамабілем. "Польскія службы былі аслепленыя лазернымі прамянямі і страбаскапічным святлом", — заяўляюць у прэс-службе.
Побач была група мігрантаў прыкладна з 100 чалавек — яны чакалі магчымасці нелегальна перайсці мяжу. Паведамляецца, што беларусы забяспечылі мігрантаў слезацечным газам і тыя распылялі яго ў бок польскіх сілавікоў.
Польскія памежнікі паведамляюць, што спынілі гэтую і іншыя спробы парушэння мяжы.
Nieopodal ok.100-os.grupa migrantów oczekiwała na możliwość nielegalnego przekroczenia granicy. Białorusini wyposażyli cudzoziemców w gaz łzawiący, który został użyty w kierunku polskich służb. Tej oraz kolejnym próbom nielegalnego przekroczenia gr. zapobiegliśmy pic.twitter.com/aUq2WLbv0T
— Straż Graniczna (@Straz_Graniczna) November 13, 2021
