Польскаму святару забаранілі служыць у Беларусі — ён прабыў тут 20 гадоў
![Польскаму святару забаранілі служыць у Беларусі — ён прабыў тут 20 гадоў](/sites/default/files/styles/gallery_main/public/2023-08/tamala.jpg.webp?itok=okWoYXjT)
Польскаму святару Сабеславу Тамале, які 20 гадоў прабыў у Салігорску, забаранілі служыць у Беларусі. Адпаведнае рашэнне набудзе моц з 31 студзеня, паведамляе партал katolik.life. Прычыну такога рашэння не называюць. Цяпер вернікі збіраюць подпісы пад зваротам у Савет Міністраў да ўпаўнаважанага ў справах рэлігіі і нацыянальнасці Леаніда Гулякі з просьбай працягнуць нясенне пастырскага служэння ў парафіі для айца Сабеслава.
Сабеслаў Тамала 20 гадоў быў пробашчам парафіі Святога Францыска ў Салігорску, удзельнічаў у будаўніцтве храма і многае ў касцёла зроблена яго рукамі.
Збор подпісаў працягнецца да 16 студзеня. Ён адбываецца з дабраславення арцыбіскупа, мітрапаліта Мінска-Магілёўскага Тадэвуша Кандрусевіча. На сёння сабрана болей аз 180 подпісаў. Падтрымаць зварот могуць не толькі каталіцкія вернікі, але і ўсе неабыякавыя грамадзяне.
Адзначаецца, што такія звароты часам маюць плён: у 2016 годзе траім святарам, якім не хацелі забараніць служэнне ў Беларусі, усё ж дазволілі застацца.