Піраты выклалі ў інтэрнэт першыя серыі новага сезону "Гульні прастолаў"
Мяркуецца, што серыі фільма "зліў" адзін з рэцэнзентаў серыяла.
У інтэрнэт трапілі першыя чатыры серыі пятага сезону "Гульні прастолаў", паведамляе meduza.io. Фільм быў абнародаваны ў інтэрнэце за дзень да прэм'еры, запланаванай на 12 красавіка.
Мяркуецца, што крыніца "уцечкі" гэтых серыяў стаў адзін з рэцэнзентаў серыяла. Першыя чатыры серыі былі запланаваныя, адпаведна, на 12, 19, 26 красавіка і 3 траўня.
Дарэчы, за тыдзень да "ўцечкі" прадзюсар Грэг Спенс выказаў непакой з нагоды такой магчымасці.
"Гульня прастолаў" — самы папулярны кінасерыял сярод піратаў. Каб змагацца з пірацтвам, тэлеканал HBO, які выпускае "Гульню прастолаў", вырашыў запусціць новы сезон адначасова ва ўсіх краінах.
Фота — igra-prestolov.com
