Пінчук на "Мерсэдэсе" ўлабавую ўрэзаўся ў мікрааўтобус
![Пінчук на "Мерсэдэсе" ўлабавую ўрэзаўся ў мікрааўтобус](/sites/default/files/styles/gallery_main/public/2023-08/pinsk-2908.jpg.webp?itok=jvMHo_Ru)
Лабавое ДТЗ адбылося 28 жніўня каля 15:30 у вёсцы Новы двор Пінскага раёна Брэстчыны, інфармуе прэс-служба УУС Брэсцкага аблвыканкама.
18-гадовы мясцовы жыхар без права кіравання ехаў на "Мерсэдэсе". Яго аўтамабіль улабавую ўрэзаўся ў мікрааўтобус "Фальксваген Транспарцёр", якім кіраваў 27-гадовы пінчук.
У выніку аварыі кіроўца "Мерсэдэса" ў цяжкім стане быў шпіталізаваны ў рэанімацыю пінскай лякарні. Для меддапамогі ў лякарню даставілі і трох пінчанак, якія ехалі пасажыркамі ў "бусіку".