Вы тут

Пажар на Мінскім трактарным заводзе

Ратавальнікі на МТЗ / МНС

13 чэрвеня на Мінскім трактарным заводзе здарыўся пажар. З аднаго з цэхаў яшчэ да прыезду ратавальнікаў эвакуявалі 20 чалавек.

Як паведамляе прэс-служба МНС, у тэрмічным цэху загарэліся адклады алею ў адмысловай ванне. Плошча ўзгарання склала 25 квадратных метраў. У цэху было задымленне.

Пажар ужо ліквідаваны, пацярпелых няма.

Летась на МТЗ гарэлі склад і ліцейны цэх.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.