Павел Сапелка: Настойваю на невінаватасці Змітра Дашкевіча
Адвакат моладзевага актывіста прыйшоў да такой высновы пасля азнаямлення з матэрыяламі крымінальнай справы.
Нагадаем, лідар міжнароднага моладзевага аб'яднання "Малады фронт "(Чэхія) Зміцер Дашкевіч абвінавачваецца па ч.3 арт. 339 КК РБ (хуліганства). Матэрыялы справы для азнаямлення яму перадалі ўчора.
"Пасля азнаямлення са справай пазіцыя абароны адназначная: я настойваю на невінаватасці Змітра Дашкевіча. Разам з маім падабаронным мы будзем прымаць усе законныя меры дзеля вынясення апраўдальнага прысуду", — распавёў "Салідарнасці" адвакат Павел Сапелка.
Адвакат мяркуе, што суд адбудзецца праз месяц.
