Пасля праверкі КДК у лякарнях сталі праводзіць "кантрольнае ўзважванне"
Дзяржкантроль Мінскай вобласці праверыў арганізацыю харчавання ў медыцынскіх установах.
Выяўлены недавагі порцыяў, недакладванне інгрэдыентаў і недахоп сталовага посуду.
У харчаблок абласной радзільні з 25 адзінак абсталявання 13 цалкам зношаныя, яшчэ шэсць зношаныя больш чым на 80%. Арганізаваць дыетычнае харчаванне ў такіх умовах немагчыма.
У Барысаўскай цэнтральнай раённай лякарні ў адзінай працуючай лядоўні вымушаныя захоўваць несумяшчальныя прадукты. Як паведамляе газета "Звязда", асабліва здзівіла правяраючых магчымасць сумяшчэння тут рамонту кухні з працэсам прыгатавання ежы.
Пасля праверкі ў многіх лякарнях зрабілі належныя захады: "Узятыя ў штат тэхнолагі, у абыходы ўключана наведванне харчблокаў, дыетсёстры адпраўленыя на павышэнне кваліфікацыі, штодня праводзіцца кантрольнае ўзважванне».
