Пасля атакі дронаў у Валгаградскай вобласці Расіі загарэлася нафтабаза
![Пажар на нафтабазе ў Валгаградскай вобласці](/sites/default/files/styles/gallery_main/public/2024-07/volgograd.jpg.webp?itok=2t_vANUa)
Пажар на нафтабазе ў Валгаградскай вобласці / @uniannet
Адразу некалькі расійскіх губернатараў паведамілі аб нападзе беспілотнікаў на іх рэгіёны гэтай ноччу. У Растоўскай вобласці ўзнік пажар на падстанцыі, кажа губернатар рэгіёну Васіль Голубеў. Паводле яго слоў, масіраваная атака дронаў пачалася каля 2 гадзін ночы, было знішчана і нейтралізавана "некалькі дзясяткаў" беспілотнікаў у розных раёнах рэгіёну.
У Валгаградскай вобласці ў выніку атакі дронаў загарэліся нафтабаза і падстанцыя, паведаміў мясцовы губернатар Андрэй Бачароў. Па ягоных словах, пажар на падстанцыі быў аператыўна ліквідаваны. А з пажарам на нафтабазе яшчэ змагаюцца.
Аб абстрэлах паведамляе і губернатар Белгарадскай вобласці Вячаслаў Гладкоў. Усяго, паводле яго слоў, за мінулыя суткі ў рэгіёне загінулі чатыры чалавекі, 20 атрымалі раненні. Акрамя таго, у выніку начнога нападу беспілотнікаў было пашкоджана каля 160 кватэр, 60 прыватных дамоў, каля 140 аўтамабіляў.
Нагадаем, напярэдадні Расія нанесла масіраваны ракетны ўдар па Украіне, адна з ракет трапіла ў дзіцячую бальніцу ў Кіеве. Па апошніх дадзеных у выніку ўчорашняй атакі ў Кіеве загінулі 27 чалавек і 117 пацярпелі. Падчас начных разбораў завалаў знайшлі цела хлопчыка. Такім чынам, сярод загінуўшых у выніку таго нападу ўжо чацвёра дзяцей.
![После атаки дронов в Волгоградской области России загорелась нефтебаза](/sites/default/files/styles/default_image_paragraph/public/paragraphs/image/ukr_3.jpg.webp?itok=GI3uIzRq)
![После атаки дронов в Волгоградской области России загорелась нефтебаза](/sites/default/files/styles/default_image_paragraph/public/paragraphs/image/urk.jpg.webp?itok=4fTchp4Z)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.