Пасажыру самалёта з Беларусі з-за георгіеўскай стужкі забаранілі ўезд ва Украіну
![Пасажыру самалёта з Беларусі з-за георгіеўскай стужкі забаранілі ўезд ва Украіну](/sites/default/files/styles/gallery_main/public/2023-08/stuzka1.jpg.webp?itok=XYHMwD1z)
Пасажыру самалёта з Беларусі з-за георгіеўскай стужкі на тры гады забаранілі ўезд ва Украіну. Як вядома, украінскае заканадаўства забараняе выкарыстанне гэтай сімволікі. Раней беларусаў неаднаразова штрафавалі з-за георгіеўскіх стужак на аўтамабілях ва Украіне. Цяпер жа пакаралі расіяніна, які прыляцеў з Беларусі.
Як інфармуе прэс-служба Дзяржаўнай памежнай службы Украіны, у аэрапорце "Жуляны" памежны нарад выявіў валізку з георгіеўскай стужкай, прымацаванай да ручкі. Неўзабаве быў знойдзены гаспадар. Грамадзянін Расіі ехаў ва Украіну з прыватным візітам, у яго быў зваротны квіток і патрэбная колькасць грошай. Аднак з-за "антыўкраінскай сімволікі" яму адмовілі ва ўездзе ва Украіну. Наступную спробу ён зможа зрабіць толькі восенню 2021 года.
![Пасажыру самалёта з Беларусі з-за георгіеўскай стужкі забаранілі ўезд ва Украіну](/sites/default/files/paragraphs/image/news201811170830181542436218.jpg)
Фота: dpsu.gov.ua