Партыя Казуліна распачынае ў Мінску масавы прыём у свае шэрагі

Беларуская сацыял-дэмакратычная партыя (Грамада) правядзе кампанію масавага прыёму грамадзян у свае шэрагі. Мінскі гаркам БСДП (Г) вырашыў распачаць акцыю з кастрычніка. Паводле словаў намесніка старшыні партыі Ігара Рынкевіча, гэтая ідэя належыць Аляксандру Казуліну, які ўжо паўтары гады знаходзіцца за кратамі. Кампанія мусіла пачацца яшчэ вясной 2006-га, але гэтаму перашкодзіў арышт палітыка.

Сацыял-дэмакраты спадзяюцца, што многія грамадзяне, якія падтрымлівалі Казуліна падчас прэзідэнцкіх выбараў і зараз салідазуюцца з яго поглядамі, уступяць у партыю.

Кампаніяй прыёму будзе кіраваць старшыня мінскай гарадской арганізацыі БСДП (Г) генерал Валерый Фралоў.

БелаПАН

Апошнія навіны

Галоўнае

Выбар рэдакцыі