Папа Рымскі заклікаў да велікоднага перамір'я ва Украіне
Папа Рымскі Францішак на імшы ў Вербную нядзелю ў Ватыкане / Reuters
Папа Рымскі Францішак заклікаў да велікоднага перамір'я ва Украіне, за якім павінны адбыцца перамовы і мір.
— Хай пачнецца велікоднае перамір'е. Але не для таго, каб перазарадзіць зброю і аднавіць баі, не. Перамір'е для таго, каб прыйсці да міру шляхам сапраўдных перамоваў, з ахвотаю таксама пайсці на некаторыя ахвяры дзеля дабра народа, — сказаў Папа Рымскі.
Францішак правёў імшу ў Вербную нядзелю 10 красавіка на плошчы Святога Пятра ў Ватыкане.
