Памёр беларускі барэц прызёр Алімпіяды Дзмітрый Дзябёлка. Яму было 46 гадоў
Дзмітрый Дзябелка / pressball.by
Памёр беларускі барэц грэка-рымскага стылю, прызёр Алімпійскіх гульняў у Сіднэі Дзмітрый Дзябёлка. Пра гэта паведамляе Нацыянальны алімпійскі камітэт Беларусі. У Сіднэі ў 2000 годзе Дзябелка ўзяў бронзу.
Каля 20 гадоў таму, у 2003, у Дзмітрыя выявілі сур'ёзнае захворванне нырак. Праз гэта ён вымушаны быў прапусціць Алімпійскія гульні ў Афінах. У 2006 годзе яго прааперавалі —перасадзілі нырку. Праз дзесяць гадоў ён перанёс паўторную трансплантацыю.
