Паляўніцтвазнаўца загінуў падчас барацьбы з афрыканскай чумой свіней
У Сенненскім раёне Віцебшчыны знішчаюць дзікоў, каб спыніць распаўсюд эпідэміі афрыканскай чумы свіней.
Пра гэта паведаміў галоўны ветэрынарны лекар Сенненскай раённай ветэрынарнай станцыі Алег Хадорык. Разам з тым "Витебский курьер" сцвярджае, што адстрэл дзікоў адбываецца ў Лёзненскім, Віцебскім, Дубровенскім і Аршанскім раёнах.
Таксама выданне паведамляе, што на Сенненшчыне падчас начнога палявання на дзікоў загінуў паляўніцтвазнаўца Бабінавіцкай паляўніча-рыбалоўнай гаспадаркі. Адзін з паляўнічых забіў яго стрэлам напавал.
Фота — vyazma-market.ru
