Палякі спынілі 80 спробаў нелегальнай міграцыі з Беларусі
Пашкоджаная мігрантамі загарода на мяжы Польшчы з Беларуссю / twitter.com/Straz_Graniczna
За 8 снежня польскія памежнікі зафіксавалі 80 спробаў нелегальнага перасячэння мяжы з тэрыторыі Беларусі. 23 чалавекі здолелі перайсці мяжу, у дачыненні да іх былі вынесеныя пастановы аб выдаленні з тэрыторыі Польшчы.
На ўчастках, якія ахоўваюцца пастамі ў Дубічы-Царкеўнэ і Чарэмшы, мяжу спрабавалі перайсці вялікія групы мігрантаў, але гэтыя спробы былі спыненыя. Польская памежная служба адзначае, што мігранты працягваюць паводзіць сябе агрэсіўна і нападаць на салдат і афіцэраў.
Wczorajsza nieudana próba nielegalnego przekroczenia granicy w Dubiczach. Migranci wciąż zachowują się agresywnie i atakują naszych żołnierzy i funkcjonariuszy. pic.twitter.com/CT3TSkhRjA
— Ministerstwo Obrony Narodowej (@MON_GOV_PL) December 9, 2021
За лістапад памежная служба Польшчы зафіксавала 8900 спробаў незаконнага перасячэння мяжы з тэрыторыі Беларусі. У кастрычніку іх было больш — 17,5 тысячы.
