Палітвязню Аляксандру Францкевічу далі 20 дзён карцару
Такое пакаранне ён атрымаў 19 лютага. Днямі Францкевіча ў івацэвіцкай калоніі наведаў адвакат.
Як распавяла Радыё Свабода маці зняволенага, Таццяна Францкевіч, сын трымаецца добра, стан яго здароўя нармальны. Чаму ён атрымаў такое пакаранне, жанчына дакладна не ведае. Яна толькі мяркуе, што такім чынам з вязня могуць выбіваць прашэнне аб памілаванні.
Аляксандр Францкевіч асуджаны на 3 гады калоніі па гэтак званай “справе анархістаў”. Ён павінен выйсці на волю сёлета ўвосень.
