Вы тут

Палітолагу Валерыі Касцюговай пагражае да 12 гадоў зняволення

Валерыя Касцюгова

Палітолагу Валерыі Касцюговай пагражае да 12 гадоў зняволення. Яе абвінавачваюць у "закліках да захопу ўлады і змове", паведамляе "Наша ніва".

Касцюгову затрымалі ў канцы чэрвеня. Спачатку яна знаходзілася на Акрэсціна, пасля яе перавялі ў СІЗА № 1. Палітолаг прызнаная палітзняволенай.

Дагэтуль не было інфармацыі, па якой справе праходзіць Валерыя Касцюгова. Яе вінавацяць па тых жа артыкулах, што і эксперта Таццяну Кузіну, якую затрымалі ў мінскім аэрапорце таксама ў канцы чэрвеня.

Валерыя Касцюгова ў пачатку чэрвеня была ў эфіры Еўрарадыё, каментавала сітуацыю з санкцыямі, уведзенымі Захадам супраць уладаў Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.