Падлеткі-правапарушальнікі высадзілі ў Мінску алею шчырасці, дабрыні, надзеі
Інспектары па справах непаўналетніх максімальна ўцягваюць падлеткаў у розныя мерапрыемствы / "Мінск-Навіны"
Падлеткі, якія стаяць на ўліку ў інспекцыях па справах непаўналетніх, высадзілі ў Мінску кляновыя алеі, паведамляе "Мінск-Навіны".
"Алея шчырасці, дабрыні, надзеі" знаходзіцца на скрыжаванні вуліц Якубава і Пляханава. Разам з падлеткамі дрэвы высаджвалі супрацоўнікі сталічнай міліцыі і работнікі "Зелянбуда" Ленінскага раёна Мінска.
Часцей за ўсё непаўналетнія трапляюць у поле зроку міліцыі за распіццё спіртных напояў, хуліганства і дробныя крадзяжы. Інспектары імкнуцца максімальна ўцягваць іх у розныя грамадскія мерапрыемствы.
