Падазраваны ў згвалтаванні беларускі ў Варшаве арыштаваны на тры месяцы
![Падазраваны ў нападзе на беларуску](/sites/default/files/styles/gallery_main/public/2024-02/178-258082.jpg.webp?itok=Y93nQiy0)
Падазраваны ў нападзе на беларуску / srodmiescie.policja.gov.pl
Падазраваны ў нападзе і згвалтаванні беларускі ў Варшаве арыштаваны на тры месяцы. Яму выставілі абвінавачванні ў "замаху на забойства ў спалучэнні з згвалтаваннем і рабаваннем". Як паведамляе rmf24.pl, паводле неафіцыйнай інфармацыі, 25-гадовы жыхар польскай сталіцы прызнаў сябе вінаватым. Сцвярджае, што не памятае, як усё адбылося. Яму пагражае пажыццёвае зняволенне. У мінулым яго каралі за захоўванне наркотыкаў і крадзеж.
Здарэнне адбылося ў цэнтры Варшавы ўначы ў нядзелю. Мужчына ў балаклаве напаў на вуліцы на 23-гадовую беларуску і прыставіў нож да горла (гэта трапіла на відэа). Дзяўчыну знайшлі на лесвічнай клетцы аднаго з дамоў у беспрытомным стане са слядамі задушвання на целе. Яе рэанімавалі і ў крытычным стане завезлі ў бальніцу. Хлопец Лізаветы кажа, што яна ў вельмі цяжкім стане, і лекары раяць рыхтавацца да горшага.
На жудасную трагедыю адгукнулася кіраўніца Аб'яднанага пераходнага кабінета Беларусі Святлана Ціханоўская. "Мае думкі з беларускай Лізаветай, якая ў гэтыя хвіліны змагаецца за жыццё ў адным са шпіталяў Варшавы", — напісала яна.
Для падтрымкі беларускі быў адкрыты дабрачынны збор.
![Падазраваны ў згвалтаванні беларускі ў Варшаве арыштаваны на тры месяцы](/sites/default/files/styles/default_image_paragraph/public/paragraphs/image/178-258085.jpg.webp?itok=o3qXhKE8)
![Падазраваны ў згвалтаванні беларускі ў Варшаве арыштаваны на тры месяцы](/sites/default/files/styles/default_image_paragraph/public/paragraphs/image/178-258086.jpg.webp?itok=V2JYDi1q)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.