Пад Столінам двое 15-гадовых падлеткаў разбіліся на мапедзе

Пад Столінам двое падлеткаў разбіліся на мапедзе. Як перадае прэс-служба Брэсцкай абласной ДАІ, аварыя здарылася позна ўвечары 4 жніўня ў вёсцы Сямігосцічы. 15-гадовы мясцовы жыхар, не маючы правоў кіроўцы, сеў на мапед Viper і прапанаваў пакатацца сваёй сяброўцы, таксама 15-гадовай дзяўчыне з той жа вёскі.

На павароце хлопец не справіўся з кіраваннем, з-за чаго мапед перакуліўся. Дзяўчына-пасажырка пацярпела і трапіла ў рэанімацыю Столінскай раённай лякарні. І кіроўца, і яго сяброўка ехалі на мапедзе без шлемаў.