Пад Смаленскам мікрааўтобус трапіў пад фуру, загінулі тры беларусы
Пад Смаленскам мікрааўтобус Volkswagen трапіў пад фуру DAF, загінулі тры беларусы, адзін пацярпеў. Як паведамляе ў Twitter прэс-служба пасольства Беларусі ў Расіі, трагічнае здарэнне адбылося раніцай 31 кастрычніка на 441-м кіламетры трасы М-1 каля вёскі Бадуны ў Красненскім раёне.
"Пасольства прадпрымае меры па інфармаванні сваякоў загінулых і пацярпелых", — пішуць дыпламаты.
Як інфармуе smolensk-i.ru, мяркуецца, што кіроўца мікрааўтобуса не ўтрымліваў бяспечную дыстанцыю з грузавіком, які ехаў наперадзе. На месцы трагедыі працуюць следчыя і эксперты.
Асобы загінулых ужо высветлены. Гэта мужчыны, якім было 35, 36 і 56 гадоў. Траўмы атрымаў таксама мужчына, яму 33 гады, дадае тэлеканал АНТ.
Сегодня утром на 441-м километре трассы М-1 произошло ДТП с участием граждан Беларуси. В результате трое погибших, один – пострадавший. Посольство предпринимает меры по информированию родственников погибших и пострадавших
— Посольство Беларуси (@Embassybel) October 31, 2019
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
