Пад Севастопалем пашкоджаны чарговы расійскі карабель — СМІ
Ад карабля ў Чорным моры ідзе дым / @Crimeanwind
Чарговае надзвычайнае здарэнне ў Чорным моры пад Севастопалем. Крымскія рэсурсы паведамляюць пра гукі выбуху і публікуюць фота карабля ў дыме. Мяркуецца, быў пашкоджаны малы ракетны карабель "Буян-М" — носьбіт ракетаў "Калібр".
Між тым акупацыйныя ўлады Крыма кажуць, што "гучныя гукі ў раёне Паўночнага мола — гэта трэніроўкі разлікаў СПДА (супрацьпадводна-дыверсійнага забеспячэння)". Яны таксама сцвярджаюць, што ў Чорным моры ў раёне Севастопаля праходзяць вучэнні па пошукава-выратавальным забеспячэнні ў акваторыі Чорнага мора.
Нагадаем, на днях крымскія рэсурсы паведамлялі пра чарговы падбіты патрульны карабель. Напярэдадні гэты факт пацвердзілі ва ўкраінскіх ВМС.
Абедзьве аперацыі правялі СБУ разам з ВМСУ. Было выкарыстана "эксперыментальнае ўзбраенне марскіх дронаў".
