Пад Полацкам кампанія моладзі на БМВ трапіла ў ДТЗ, загінуў юнак

Раніцай 25 снежня ў Полацкім раёне адбылося ДТЗ, у якім загінуў 17-гадовы юнак. Як інфармуе ў Telegram прэс-служба Следчага камітэта, кампанія з двух хлопцаў і двух дзяўчын ехала на БМВ па дарозе "Віцебск — Полацк — мяжа Латвіі". Здарэнне адбылося на 117-м кіламетры, дзе вадзіцель не саўладаў з кіраваннем. У выніку аўтамабіль з'ехаў з трасы ў кювет і сутыкнуўся з дрэвам. Загінулы быў пасажырам. Іншыя пасажыры і кіроўца атрымалі траўмы, іх шпіталізавалі.

На месцы ДТЗ працавала следча-аператыўная група. Распачатая крымінальная справа, артыкул — "Парушэнне правіл дарожнага руху ці эксплуатацыі транспартных сродкаў асобай, якая кіравала транспартным сродкам, што пацягнула па неасцярожнасці смерць чалавека ці прычыненне цяжкага цялеснага пашкоджання".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.