Пад Масквой разбіўся найноўшы вайскова-транспартны самалёт Іл-112в
Падчас трэніровачнага палёту ў Падмаскоўі разбіўся найноўшы расійскі самалёт Іл-112в. Яго планавалі паказаць на міжнароднай выставе "Армія-2021".
Паведамляецца, што ў вайскова-транспартнага самалёта загарэўся рухавік падчас палёту. Ён зваліўся ў лес, праз секунды адбыўся выбух. З экіпажу не выжыў ніхто.
Іл-112 — адна з галоўных апошніх распрацовак расійскай вайсковай прамысловасці. Запуск гэтага самалёта ў серыйную вытворчасць — прыярытэтная задача расійскай дзяржаўнай праграмы пераўзбраення.
