Пад Харкавам загінулі два байцы палка Каліноўскага
![На фронце ва Украіне (ілюстрацыйнае фота)](/sites/default/files/styles/gallery_main/public/2024-06/448098744_810340931278987_7688485570743979905_n.jpg.webp?itok=hLfYxGzg)
На фронце ва Украіне (ілюстрацыйнае фота) / facebook.com/GeneralStaff.ua
Пад Харкавам загінулі два байцы палка Каліноўскага. Здарылася гэта 9 чэрвеня. Па дарозе на пазіцыі, дзе яны павінны былі забраць адзін з баявых разлікаў пасля сканчэння задачы, натрапілі на міну. Атрыманыя байцамі траўмы аказаліся несумяшчальныя з жыццём, паведамляе прэс-служба падраздзялення.
Целы загінулых у тую ж ноч былі эвакуяваны, дзякуючы падтрымцы сумежных падраздзяленняў Узброеных сіл Украіны.
Імёны загінулых не называюцца.
Беларускія добраахвотнікі ўдзельнічаюць на Харкаўшчыне ў спыненні расійскага наступу. Вядома ўжо пра 65 беларусаў, якія загінулі на вайне ва Украіне, змагаючыся супраць расійскіх акупантаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.