Пачаўся збор подпісаў за адмену ў Беларусі транспартнага падатку
Пачаўся збор подпісаў за адмену ў Беларусі транспартнага падатку, за замену яго паліўным акцызам. Ён адбываецца на сайце Change.org. Ураду, дэпутатам і сенатарам прапануецца замяніць падатак паліўным акцызам (г. зн. уключыць яго ў цану на паліва). Аўтары петыцыі мяркуюць, што на сённяшні дзень "плацёж не забяспечвае сацыяльнай справядлівасці", паколькі кіроўца не плаціць столькі, колькі ён фактычна наездзіў на аўтамабілі.
Аўтары звароту адзначаюць, што кошт праходжання тэхагляду ў Беларусі — адзін з самых высокіх у Еўропе. Яны патрабуюць зрабіць яго "недарагой сацыяльнай паслугай".
Пад зваротам ужо падпісаліся больш за 3 тысячы чалавек.
