Па выбарчай акрузе №97 у Мінску перамагае кандыдатка АГП Ганна Канапацкая
Па выбарчай акрузе №97 лідарства пасля падліку галасоў на палове ўчасткаў трымае прадстаўніца АГП Ганна Канапацкая. Пра гэта Еўрарадыё паведаміў Сяргей Вазняк, кіраўнік выбарчага штабу Таццяны Караткевіч, якая таксама балатуецца па гэтай акрузе.
Другое месца пакуль трымае Аляксандр Дрожжа — дырэктар мінскага аўтавакзала. На трэцім месцы з вялікім адрывам ідзе Таццяна Караткевіч.
