Па начах на гэтым тыдні ў Беларусі прагназуюцца замаразкі на глебе

24 верасня ў Беларусі чакаецца пераменная воблачнасць, пераважна без ападкаў, паведамляе Белгідрамет. 

Уначы і зранку месцамі прагназуецца слабы туман. Вецер будзе няўстойлівы слабы. Уначы ў многіх раёнах чакаюцца замаразкі ад нуля да -4, месцамі будзе 1-4 вышэй за нуль. Удзень сіноптыкі прагназуюць 8-14 цяпла, па паўднёвым захадзе — да +16.

У сераду, 25 верасня, таксама будзе пераменная воблачнасць і пераважна без ападкаў. Вецер чакаецца паўднёва-ўсходні ўмераны. 

Уначы на большай частцы тэрыторыі — замаразкі ад нуля да -3, месцамі тэрмометры пкажуць 1-6 цяпла. Удзень прагназуецца 8-15 вышэй за нуль, па паўднёвым захадзе — да +16...+17.

26 верасня чакаецца пераважна без ападкаў, толькі па паўднёвым захадзе ў асобных раёнах пройдуць кароткачасовыя дажджы. Вецер будзе паўднёва-ўсходні ўмераны. 

Уначы прагназуецца 1-8 са знакам "плюс", па паўднёвым захадзе — да 10 цяпла, па паўночным усходзе — замаразкі да 0...-3. Удзень чакаецца 10-16 вышэй за нуль, у паўднёва-заходніх раёнах будзе +17...+18.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.