Па факце падзення самалёта каля Слоніма распачалі крымінальную справу
Па факце падзення самалёта каля Слоніма распачалі крымінальную справу. Артыкул — "парушэнне правілаў бяспекі руху і эксплуатацыі паветранага транспарту асобай, абавязанай выконваць гэтыя правілы ў сілу выконваемай працы, што пацягнула па неасцярожнасці смерць двух асоб", паведамляе прэс-служба Следчага камітэта.
Прызначана правядзенне шэрагу экспертыз. Сярод іх — хімічныя экспертызы нафтапрадуктаў. Праверку праводзіць і Дэпартамент па авіяцыі Мінтранспарту. Яе матэрыялы далучаць да крымінальнай справы.
Трагічнае здарэнне здарылася 13 жніўня падчас святкавання 770-годдзя Слоніма. Загінулі два пілоты. Лёгкаматорны самалёт Aeroprakt A22LS Foxbat украінскай вытворчасці прыляцеў з Міншчыны, ён рабіў прагулачныя палёты над горадам.
Як пішуць СМІ, загінулі Сяргей Доўгаль і Уладзімір Філон.
