Няправільны тэкст: як песні Naviband "баняць" на конкурсах і святах

Naviband / "Фэйсбук"
Naviband / "Фэйсбук"

Гурт Naviband у сацсетках падзяліўся навіной, што іх песні патрапілі ў "бан" арганізатараў студэнцкіх і школьных конкурсаў і святаў.

"Нам прыйшло шмат паведамленняў з розных гарадоў і навучальных устаноў Беларусі... Фармулёўка ў асноўным — "не такі / няправільны тэкст". Сур'ёзна? У нас?" — напісана на афіцыйнай старонцы калектыва ў Фэйсбуку.

Неправильный текст: как песни Naviband “банят” на конкурсах и праздниках

Еўрарадыё пагутарыла з людзьмі, якія сутыкнуліся з гэтай праблемай.

У школе нельга, таму што "ўсім уляціць"

У мінулым годзе школьніца Крысціна [імёны герояў публікацыі змененыя па іх просьбе.  — Рэд.] прымала ўдзел у рэспубліканскім песенным конкурсе. Паспяхова прайшоўшы раённы адбор, адправілася "на горад", але там ёй не пашанцавала. У гэтым годзе дзяўчына вырашыла выпрабаваць поспех зноў. 

"Трэба было падрыхтаваць дзве песні, адну — абавязкова патрыятычную, — кажа суразмоўца. — Я расказала педагогу-арганізатару, што хачу праспяваць песню Naviband "Іншымі". Мне адказалі, што трэба параіцца з кімсьці "вышэй", адправілі маё відэа на песню нейкай цётачцы, звязанай з адукацыяй, тая адказала, што за гэты нумар усе атрымаюць, маўляў, яна звязаная з палітычнай сітуацыяй. Забаранілі".

Неправильный текст: как песни Naviband “банят” на конкурсах и праздниках

Крысціна ў шоку: песня напісаная да выбараў і, на яе думку, звязваць музыку і палітыку — апошняе, што трэба рабіць у рамках конкурсаў. Педагог-арганізатар, па яе словах, сказаў, што ўсё разумее, але трэба выбраць іншую песню.

"Мне прапанавалі праспяваць нешта патрыятычнае пра дзеда і вайну. Мне не спадабалася. Я супраць удзелу ў конкурсе, дзе забараняюць спяваць якія-небудзь песні", — кажа дзяўчына.

Ва ўніверсітэце таксама нельга, таму што песня "нязручная"

Кірыл вучыцца ва ўніверсітэце. Разам з сябрамі ён стварыў каманду, з якой выступае на студэнцкіх святах. Хлопцам падабаецца Naviband, яны кажуць, што "гэта класная група з класнымі тэкстамі".

"Нас паклікалі выступіць першага верасня, — успамінае хлопец. — Я прапанаваў праспяваць песню "Іншымі". Яна мае для мяне асаблівы сэнс, таму што ў жніўні мы ўсе прачнуліся іншымі і зразумелі, што адбываецца. Арганізатарка адказала: "Ведаеце... можа, не трэба, таму што яна такая нязручная".

Неправильный текст: как песни Naviband “банят” на конкурсах и праздниках

Студэнт не сумняваўся, што будзе менавіта так: хоць адміністрацыя ВНУ і сцвярджае, што, маўляў, "мы па-за палітыкай", установа рухаецца "ў дзяржаўным напрамку".   

Скончылася гісторыя тым, што хлопцам прапанавалі выбраць іншую песню Naviband, але Кірыл адмовіўся, на свята не пайшоў і абвясціў, што, раз такія справы, наогул больш не будзе спяваць ва ўніверсітэце. 

"Я працягваю спяваць, дзялюся сваёй творчасцю ў інсце, маю зносіны з людзьмі на тэмы, якія хвалююць, і ў мяне няма праблем. Калі ва ўніверы нешта не хочуць чуць, ну, хай не слухаюць. Усё роўна ўсё зменіцца, проста трэба крыху пачакаць", — падсумоўвае хлопец.


А што Naviband?

У 2017 годзе гурт Naviband прадстаўляў нашу краіну на Еўрабачанні, калектыў вядомы сваімі рамантычнымі песнямі пра каханне, у тым ліку да сваёй краіны. 

Сёння на фэйсбук-старонцы калектыву разгараецца дыскусія. Хтосьці называе сітуацыю "цемрай і савецкім заапаркам", іншыя прыдумляюць, як абыйсці недарэчныя забароны.

"Як варыянт, можна параіць ім карыстацца спосабамі прасоўвання песень, які быў развіты ў саўку, — прапануе музыка і перакладчык Уладзь Лянкевіч. — Развучылі, заспявалі, сказалі, што гэта або народная (калі пасуе збольшага), або пераклад якога-небудзь фолк-спевака, або прыпісваць яшчэ каму-небудзь".

А як рэагуюць у самым калектыве?

"Зразумела, што здзіўляцца асабліва няма чаму, але такіх пачуццяў мы яшчэ не адчувалі, — пішуць музыкі. — Гэта нешта новае. У цэлым многае цяпер у нашай краіне не паддаецца тлумачэнню. Але гэты факт азначае толькі адно — мы ўсё робім правільна! І дзякуй кожнаму, хто спяваў і спявае разам з намі. І ведаем, што працягнеце. Гэта важней. Забароны ў культуры робяць культуру толькі мацней".

Улетку 2020 года Naviband запісалі песню "Іншымі", у якой "кожнае слова адлюстроўвае ўсё, што адбываецца цяпер вакол", і асудзілі гвалт сілавікоў у дачыненні да мірных пратэстоўцаў, заявіўшы, што "маўчаць ужо немагчыма".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі