Новым міністрам сельскай гаспадаркі стаў чалавек з "прыстойным жыццёвым шляхам"

Сяргей Барташ / Сергей Бартош / sb.by

Сяргей Барташ / sb.by

Аляксандр Лукашэнка прызначыў новага міністра сельскай гаспадаркі. Ім стаў Сяргей Барташ, які да сённяшняга дня быў памочнікам Лукашэнкі па Гомельскай вобласці.

Ён быў прызначаны на гэтую пасаду ў кастрычніку 2022-га, а перад тым быў старшынёй Бярозаўскага райвыканкама.

Паводле інфармацыі БЕЛТА, Лукашэнка так патлумачыў свой выбар новага міністра: "З некалькіх кандыдатур, якія мне прапанаваныя тыдзень таму, я выбіраю вас. Таму што ў вас прыстойны жыццёвы шлях. Вельмі важна, каб міністр абавязкова папрацаваў і кіраўніком сельскагаспадарчага прадпрыемства".

Папярэдні міністр сельскай гаспадаркі Ігар Брыло два тыдні таму быў зняты з сваёй пасады і прызначаны памочнікам Лукашэнкі ў Віцебскую вобласць.

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі